Italia, rekord viktimash dhe të shëruarish nga Covid-19
Nga OraNews Përditësimi i fundit 10 Nëntor 2020, 18:03
Përkeqësohet situata e përhapjes së pandemisë në Itali. Në 24 orët e fundit është shënuar një numër rekord viktimash, shifër që nuk regjistrohej prej 14 prillit 2020.
Sipas të dhënave të publikuara nga autoritetet shëndetësore Italia ka shënuar sot 580 viktima e 35 098 të infektuar më shumë. Numri i të infektuarve aktivë është 590110.
Dita e sotme ka shënuar dhe një numër rekord pacientësh të shëruar që janë 17 734 më shumë se një ditë më parë.
Numri i të infektuarve me Covid të shëruar ka arritur deri më sot në 363 023.
Të infektuar që nga nisja e pandemisë janë 995 463 ndërsa viktima 42 330.
Janë kryer 217 768 tampone në 24 orët e fundit.
Në kurim spitalor janë shtruar 997 pacientë më shumë e 122 kanë kërkuar kurim në reparte të terapisë intesive.
