Zani Çaushi, xhiro nga burgu në gjykatë, nuk paraqiten avokati dhe prokurori
Nga OraNews Përditësimi i fundit 6 Nëntor 2020, 15:04
Duhet të ishte një seancë normale gjyqi, por për Myrteza Çaushin qëlloi të ishte më tepër një xhiro nga burgu i Drenovës në Gjykatën e Korçës.
Seanca gjyqësore zgjati vetëm pak minuta pasi nuk u paraqit avokati mbrojtës Arben Lena dhe as prokurori Gentjan Stoja.
Pas kësaj, Zani Çaushi u kthye sërish në qelinë e burgut të Drenovës
Myrteza Çaushi kërkon rillogaritjen e viteve të burgimit.
Avokati i kreut të bandës së Vlorës ka lënë të hapur mundësinë se në fund të procesit ai mund të dalë nga qelia me liri me kusht.
Por e gjitha do të varet nga ecuria e procesit, ku Myrteza Çaushi thotë se ka vuajtur 31 vite në qeli.
Më herët e njëjta gjykatë i hoqi Zani Çaushit, një masë disiplinore, duke i pastruar dosjen e qëndrimit në burg, ç’ka ëshë kriter për të fituar lirinë me kusht.
Këto lëvizje, u paralajmëruan më 17 korrik kur Zani Çaushi u tërhoq nga kërkesa për lirim me kusht, duke ndryshuar strategji.
