“500 euro për një provim” lirohet sekseri, mbetet në burg pedagogu korçar
Nga OraNews Përditësimi i fundit 17 Tetor 2020, 19:09
Gati një muaj pas arrestimit, Gjykata e Posaçme kundër Korrupsionit dhe Krimit të Organizuar ka liruar Xhevair Dervishin, i akuzuar për korrupsion së bashku me pedagogun e Universitetit të Korçës Alket Dino që vijon të jetë në arrest me burg.
Gjykata ka vendosur zbutjen e masës së sigurisë nga arrest me burg në arrest shtëpie për Dervishin, që akuzohet se bënte rolin e sekserit mes pedagogut dhe studentëve.
Studio ligjore që e përfaqësonte ka paraqitur faktet dhe arsyet shëndetësore përse ai duhet të qëndrojë me arrest shtëpie deri ne përfundim te hetimeve.
Lirimin e ka konfirmar dhe vetë Dervishi me këtë postim në facebook.
Arrestimi i tyre u bë nga Policia e Korçës në bashkëpunim me SPAK duke u akuzuar se kanë marrë para në këmbim të dhënies së notave kaluese në provime.
Sipas policisë arrestimi i tyre u bë afër fakultetit, dhe me vete kishin 300 euro dhe 50.000 lekë, të cilat nga hetimet e kryera dyshohet se i kanë përfituar në mënyrë të kundërligjshme nga studentët. Vlera monetare u sekuestrua në cilësinë e provës materiale.
LEXO EDHE: Si u kapën “mat” pedagogu dhe sekseri në Korçë, ja paratë që ju gjetën
Avokati fajëson sekserin: Atij ju gjetën paratë, ja pse ishin bashkë
“500 euro për një provim” GJKKO lë në burg pedagogun korçar
