“Të vihen para përgjegjësisë”, vijojnë replikat Meta-Rama: Krim mendor përfshirja e Presidentit
Nga OraNews Përditësimi i fundit 15 Tetor 2020, 16:47
Kanë vijuar replikat mes Presidentit Ilir Meta dhe Kryeministrit Edi Rama.
Ka qenë Kreu i Shtetit Meta ai që duke përgëzuar Presidentin e Kirgistanit për dorëheqjen pas manipulimit të zgjedhjeve, e ka lidhur me rastin e qeverisë shqiptare, ku shkruan “Autorët e krimeve zgjedhore dhe dhunës kriminale të vihen para përgjegjësisë”.
Meta: Përshëndes dorëheqjen e Presidentit të Kirgistanit pas manipulimit të zgjedhjeve të fundit, që nuk u pranuan nga populli i revoltuar me shumë të drejtë.
Populli trim i Kirgistanit i tregoi mbarë botës demokratike si rrëzohen regjimet që bazohen mbi shtypjen, manipulimin, oligarkinë dhe poshtërimin e qytetarëve.
Autorët e krimeve zgjedhore dhe dhunës kriminale të vihen para përgjegjësisë!
Nuk ka vonuar as përgjigja e Kreut të Qeverisë Rama, i cili në Twitter kësaj radhe ka shtuar se krim zgjedhor konsiderohet edhe përfshirja e presidentit si palë në zgjedhje.
Rama: Ilir, krim zgjedhor në Republikat Parlamentare është edhe përfshirja e presidentit si palë në zgjedhje me thikë në gojë! Ndërsa futja e Presidentit skutave nëpër lokale ku vënë baste ilegale subjektet e OFL për të propaganduar rrëzimin e qeverisë me revolucion është krim mendor!
