PD: Qeveria lejoi krijimin e radhëve të gjata në Kakavijë, e pafalshme
Nga OraNews Përditësimi i fundit 15 Gusht 2020, 13:38
Partia Demokratike shpresh shqetësimin për situatën e krijuar në Kakavijë të cilën e quan “katastrofë humanitare”. Reagimi u bë edhe më i fortë për shkak të aksidentit tragjik të ndodhur sot paradite kur autoambulanca përplasi për vdekjen një fëmijë të moshës 10 vjeçare. I vogli së bashku me familjen e tij po prisnin të largoheshin në Greqi dhe ishin në radhën kilometrike në pritje të kalimit të kufirit.
Në njëdeklaratë për median PD akuzon qeverinë se ka braktisur qeverinë dhe kjo ështëe pafalshme.
“Kjo ngjarje e rëndë është një tjetër alarm tragjik për braktisjen e qytetarëve nga qeveria. Është e pafalshme që qeveria lejoi krijimin e radhëve të gjata, dhe nuk informoi qytetarët në kohë.
Është në përgjegjësinë e qeverisë që Shqipëria u shndërrua në zonë të kuqe COVID, pasojë e të cilës është edhe kjo krizë humanitare në kufi.
Kjo krizë nuk zgjidhet me propagandë në rrjetet sociale. Nuk zgjidhet me postime virtuale nga rezidencat luksoze qeveritare ku pushon kryeministri, dhe as me xhiro me helikopter dhe rikthim në hotele me 5 yje ku pushojnë anëtarët e kabinetit të tij qeveritar.
Zgjidhja e krizës humanitare kërkon angazhimin në nivelet më të larta të qeverisë dhe komunikim të vazhdueshëm me qytetarët shqiptarë. Njerëzit meritojnë të trajtohen me dinjitet nga shteti i tyre."
Një mesazhngushëllimi dhe për familjen që sot humbën fëmijën.
"Mendimet dhe lutjet tona janë sot me prindërit dhe familjarët e fëmijës që humbi sot jetën në aksidentin tragjik, në mesin e krizës humanitare të krijuar prej 4 ditësh në pikën kufitare të Kakavijës. Zoti ju dhëntë forcë për ta përballuar dhimbjen dhe këtë humbje të rëndë. "
