Kim Mehmeti: Policët në oborrin e RTV Ora tregojnë se Shqipëria është zaptuar nga burrështetas hajdutë
Nga OraNews Përditësimi i fundit 3 Gusht 2020, 22:29
Publicisti Kim Mehmeti ka reaguar për sulmin politik ndaj Rtv Ora dhe Ora News.
Me ironi ai shprehet se "të kërkosh nëpër ‘Shqipëritë’ tona politikanë që kurrë nuk i kanë futur duart në ‘xhepat’ e shtetit dhe të krimit, është njësoj si në shtëpi publike të kërkosh vash të virgjër.
Andaj, vijon ai, mos pandehni se ka drejtësi aty ku burrështetasit hajdutë eluftojnë ‘krimin’, duke i ndëshkuar kundërshtarët e vet politik.
Mehmeti: ‘Shqipëritë ‘ tona do bëhen shtete të së drejtës atëherë kur do ndëshkohen hajnat që u pasuruan duke u marr me politikë, e pastaj edhe gjithë të tjerët!
Sipas Mehmetit, policët në oborrin e RTV Ora, sot përcjellin vetëm një porosi: Shqipëria është e rrethuar dhe e zaptuar nga burrështetas hajdut, të cilët nuk e luftojnë krimin por duan ta heshtin të vërtetën kriminale për vetveten!"
Lexoni të gjitha lajmet:Goditje politike ndaj RTV Ora dhe Ora News
