Londër, i pritet koka ushtarit. Sulmi konsiderohet terrorist, në pranga autorët
Nga OraNews Përditësimi i fundit 22 Maj 2013, 21:21
Një i vdekur dhe dy të plagosur është bilanci i sulmit terrorist që ka ndodhur të mërkurën në afërsi të kampit ushtarak në Londër.Personi, i vrare ishte ushtar i forcave të armatosura britanike dhe u masakrua me thikë dhe armë të tjera të ftohta në mes të ditës në një rrugë të Londrës.Akti i dhunshëm ka tronditur kalimtarët dhe gjithë opinionin publik britanik, ndërsa ndodhi rreth orës 14:00 me orën lokale.Dëshmitarë nga vendi i ngjarjes thanë se kishin parë dy persona të armatosur me thika dhe kama, që iu vërsulën barbarisht një të riu duke e goditur atë dhjetra herë në trup, ndërsa në fund i kanë prerë edhe kokën. Pak më pas policia ka qëlluar me armë ndaj dy autorëve që u plagosën.Ndërkohë dëshmitë e shumta të kalimtarëve që u ndodhen në vendgjarje thanë se ata nuk u përpoqën të arratiseshin pas aktit barbar.Një dëshmitar tha për Associated Press se dy personat, pasi kanë masakruar viktimën e tyre, kanë qendruar të përgjakur në vend duke u kërkuar kalimtarëve që t'u bënin foto dhe filmime.Dy personat, nuk janë indetifikuar ende, ndërsa ndodhen në spital, njëri prej tyre në gjendje të rëndë.
Burime të cituara nga BBC, thanë se gjatë sulmit janë dëgjuar thirrjet "Allahu Ekber", që supozon se sulmi mund të jetë një formë e re e sulmeve terroriste të ekstremistëve islamikë.
Ministrja e Brendshme, Theresa May thërriti në një mbledhje urgjente Komitetin e Sigurisë për të diskutuar për rastin në fjalë.BBC thotë Komiteti do të njihet me raportimin e plotë të policisë metropolitane dhe të shërbimeve sekrete, për të vlerësuar dhe kategorizuar sulmin si sulm terrorist apo si një ngjarje horror me motive të tjera.
