Peshku prej hekuri që shpëton njerëzit nga anemia
Nga OraNews Përditësimi i fundit 23 Prill 2016, 17:38
Gjashtë vite më parë, doktori kanadez, Christopher Charles, shkoi në Kamboxhia, ku dhe vuri re se shumica e fëmijëve vuanin nga mungesa e hekurit. Të rriturit gjithashtu nuk ishin në gjendje të mirë: ata përjetonin dhimbje koke dhe nuk mund të punonin.Ishte pikërisht atëherë kur Dr.Charles shpiku peshkun fatsjellës prej hekuri, i cili siguron 75% të sasisë së rekomanduar të hekurit te të rriturit dhe mund të kthehej në një mrekulli për njerëzit anemikë kudo në botë.Dy miliardë njerëz janë anemikë dhe vuajnë nga mungesa e hekurit, gjë që mund të çojë edhe në vdekje.Ky problem i ushqyerjes mund të zgjidhet me ilaçe e trajtime të veçanta, por fatkeqësisht ato mezi gjenden dhe janë shumë të shtrenjta për pjesën më të madhe të popullsisë.Me shpikjen e Dr.Charles, ju duhet thjesht ta zieni ujë ose supë sëbashku me peshkun e hekurt për të paktën 10 minuta. Kjo kurë mund të përdoret në mënyrë aktive për disa vite. Gjysma e banorëve të Kamboxhias të cilët përdorën peshkun prej hekuri në gatimet e tyre nuk ishin më anemikë pas 12 muajsh.Por Dr.Charles nuk ka ndërmend të ndalojë këtu. Ai beson se dizenjimi i peshkut mund të përdoret në vendet e tjera që janë gjithashtu në zhvillim.
/Oranews.tv/
