Shqiptari xheloz vret bashkëshorten pasi fliste në Facebook me një burrë tjetër
Nga OraNews Përditësimi i fundit 24 Shkurt 2016, 19:50
Agim Isaku, 40 vjeç, është shpallur fajtor nga Gjykata britanike Old Bailey pasi vrau gruan e tij, e cila fliste në Facebook me një burrë tjetër.Sipas “Standart” shqiptari xheloz banues në Southall, mbyti gruan e tij Elife Began në dhomën e tyre bashkëshortore.Isaku e ndaloi bashkëshorten e tij të njohur ndryshe si Eli, mama e dy fëmijëve të përdorte Facebook, i kontrollonte telefonin si dhe e detyroi të linte punën e saj. Kjo pasi ai zbuloi se 33 vjeçarja kishte nisur një miqësi me një burrë tjetër në rrjetin social.Ngjarja ndodhi të enjten, në 13 gusht të vitit të shkuar. Ishte vetë autori i krimit ai që e telefonoi policinë duke thënë që gruaja e tij kishte vdekur, por pa dhënë shpjegime të tjera.“Eli i tha një mikeshe se po planifikonte t’i bënte bashkëshortit të saj një tortë për ditëlindjen e tij dhe se po përpiqej shumë që martesa e tyre të funksiononte.Pavarësisht përpjekjeve të saj për ta bërë burrin e saj të lumtur, xhelozia e Isakut e çoi atë drejt vrasjes së egër”.- tha Louise Knipe, dedektiv inspector i Krimeve të Rënda.Vendimi për Agim Isakun u mor pas 24 seancash gjyqësore dhe pritet të vihet në fuqi ditën e martë. /Oranews.tv/
