Sulmohet baza ajrore indiane në kufi me Pakistanin
Nga OraNews Përditësimi i fundit 2 Janar 2016, 08:43
Baza ajrore indiane në kufi me Pakistanin është sulmuar nga persona të armatosur në një atentat që është konsideruar si një përpjekje për të ndaluar rinisjen e dialogut mes dy shteteve fqinje.2 ushtarë indianë si edhe 4 prej sulmuesve kanë mbetur të vrarë gjatë shkëmbimit të zjarrit.Autoritetet indiane thanë se personat e armatosur të veshur si ushtarë mundën të hyjnë në bazën e Pathankotit në orët e para të mëngjesit dhe hapën menjëherë zjarr.Militantët përdorën një makinë policie për të kaluar sigurinë e lartë të bazës, një taktikë kjo që përdoret shpesh nga militantët e trajnuar nga pakistanezët.Baza që ndodhet 50 kilometra larg kufirit me Pakistanin, u rrethua nga forca të shumta policie. Sipas hetimeve të para ka dyshime se sulmi mund të jetë kryer nga ushtria e Mohammed, një grup militant me bazë në Pakistan që kërkon pavarësinë e Kashmirit, rajonit që është nën administrimin e qeverisë së Indisë.Një sulm i njëjtë ndodhi edhe në korrik të vitit të shkuar ku militantë të maskuar si ushtarë vranë 9 persona në një stacion policie në Punxhabi.Sulmi në bazën ajrore ndodh vetëm një javë pasi Kryeministri Indian Narendra Modi bëri një vizitë surprizë në Pakistan ku u takua me homologun pakistanez Navaz Sharif. Rinisja e dialogut mes dy shteteve ka qenë në fokus të bisedimeve dypalëshe./Oranews.tv/
