Anija ruse në Bosfor, Turqia thërret Ambasadorin rus
Nga OraNews Përditësimi i fundit 8 Dhjetor 2015, 00:19
Vijojnë të jenë të tendosura marrëdhëniet mes Rusisë dhe Turqisë.Ambasadori rus në Ankara është thirrur me urgjencë nga autoritetet turke, për të shprehur të gjithë pakënaqësinë dhe shqetësimin e Turqisë, pasi një anije luftarake ruse është parë të kalonte në Bosfor me raketat gati për sulm.Ministri i jashtëm Mevlut Cavusoglu e cilësoi këtë parakalim një provokim të pastër, duke deklaruar se në të ardhmen përgjigjia e Turqisë do të jetë ajo e duhura ndaj situatave që vlerësohen si kërcënuese.Anija që solli reagimin e ashpër të Turqisë quhet " Kaesar Kunikov" dhe polemikat e patën zanafillën menjëherë pasi disa televizione trasmetuan një foto të një ushtari i cili kishte në krah një raketë-hedhës, në dukje gati për ta përdorur.Ministri i jashtëm turk Causoglu i kërkoi Rusisë të tregohet më e matur, duke nënvizuar se deri më tani Turqia nuk i ka ndaluar anijet ruse të lundrojnë përmes Bosforit, në respekt të marrëveshjes së Montro.Zanafilla e tensionit ishte aksidenti ajror në kufirin turkor-sirisan, kur forcat ushtarake turke rrëzuan një avion luftarak rus.
