Nis sot Konferenca për klimën, masa të rrepta sigurie dhe protesta nga aktivistët
Nga OraNews Përditësimi i fundit 30 Nëntor 2015, 08:11
Në Paris nis sot konferenca globale për ndryshimet klimaterike në të cilën marrin pjesë 140 liderë nga mbarë bota, mes tyre dhe kreu i shtetit Bujar Nishani.Autoritetet franceze kanë përforcuar masat e sigurisë.Ministri i Brendshëm, Bernard Cazanueve, tha se do të vendosë 8 mijë policë shtesë për të kontollluar të gjitha pikat kufitare të Francës dhe 2.800 trupa shtesë do të vendosen në veri të Parisit.Mëngjesin e të dielës edhe pse kryeqyteti francez ishte bosh, policia ka monitoruar gjithë kohën pikat kryesore turistike, përfshirë Kullën Eifel dhe Champs Elysees.Por pavarësisht masave, qindra protestues kundër ndryshimeve klimatike u përleshën me policinë në sheshin “Republika”.Policia përdori gaz lotsjellës për të shpërndarë turmën e cila ishte mbledhur në afërsi të memorialit të viktimave të terrorizmit, por edhe për të shmangur grumbullimet masive të njerëzve pasi rreziku i sulmeve mbetet ende permanent.Më herët policia ndaloi tubimin prej 20 mijë personash kundër samitit, pornë vend të kësaj sheshi “Republika” u mbush me mijera këpucë.Konferenca e ndryshimeve klimatike do të zhvillohet në kryeqytetin francez nga data 30 nëntor deri 11 dhjetor, ku shpresohet të arrihet një marrëveshje ligjore dhe universale mbi klimën.
