Kosova ratifikon MSA-në, Opozita s'merr pjesë në votim

Me 86 vota pro, asnjë kundër dhe asnjë abstenim, parlamenti i Kosovës ka miratuar projektligjin për Ratifikimin e Marrëveshjes së Stabilizim Asocimit ndërmjet Kosovës dhe Bashkimit Evropian.Partitë opozitare bojkotuan votimin menjëherë pas përfundimit të fjalës së krerëve të grupeve parlamentare, por ashtu siç kishin premtuar, nuk bllokuan punën e kuvendit.Në sallë qëndroi vetëm deputeti i vetëvendosjes Ilir Deda, i cili tha se mbështet marrëveshjen e Stabilizim Asocimit, pavarësisht se është kundër qeverisë.Marrëveshja mori edhe votat e listës serbe, edhe pse më heret kishte deklaruar se do ta bojkotonte atë.Kryeminstri i Kosovës Isa Mustafa tha se kjo marrëveshje është frymë e qytetarëve të Kosovës.

Kreu i grupit parlametar Glauk Konjufca tha se integrimi i Kosovës po kalon përmes Beogradit.Konjufca tha se fusnota që i është vënë Kosovës në këtë marrëveshje është në të njëjtën kategori me 'Zajednicën', e cila po ashtu ishte kërkesë e Serbisë.Presidentja e Kosovës Ahtifete Jahjaga e konsideroi jetike miratimin e marrëveshjes dhe një hap të rëndësishëm për vendin. Ndërkohë Qeveria e Republikës së Kosovës u zotua se do të punojë me përkushtim për përmbushjen e të gjitha kritereve të kërkuara në këtë Marrëveshje, me qëllim anëtarësimin e shpejtë në Bashkimin Europian.Qeveria e Kosovës falënderoi Bashkimin Evropian dhe të gjitha shtetet anëtare të saj, si dhe të gjitha institucionet dhe qytetarët e Republikës së Kosovës për përkushtimin e palëkundur për të çuar përpara agjendën evropiane, si të vetmen alternativë dhe aspiratë integruese të popullit të Kosovës/Oranews.tv/