Protestë kundër mbetjeve në Marinzë, banorët: Po na vdesin fëmijët
Nga OraNews Përditësimi i fundit 5 Tetor 2015, 15:00
Depozitimi i mbetjeve të Bashkisë së Roskovecit në një fushë pak metra nga zona e banuar ka irritur banorët e Marinzës. Ata kërkojnë largimin e plehrave të cilat digjen në ambient të hapur, duke shtuar se veç ndotjes, po përhapen dhe infeksione.Qindra banorë të zonës së Marinzës kanë protestuar para fushës së grumbullimit të mbetjeve urbane që është në hyrje të fshatit.Të revoltuar banorët thonë se era e djegies së plehrave është e padurueshme, ndërkohë që fëmijët kanë filluar të vuajnë pasojat duke u prekur nga infeksionet.“Ajri është shumë i keq, vinë dhe kafshë të ngordhura përplasen këtu brenda, nuk mundet të jetojmë dot më. Fëmijët tanë janë me karbon në gjak. Nëse doni tu sjellim dhe analizat që ti shikoni. Fëmijët e mi po vdesin nga era e plastikave, e kermave”.“Do protestojmë prapë, do mblidhemi disa herë derisa të ikin plehrat që këtu, mos të vinë plehrat e Bashkisë dhe të gjitha të hidhen në Marinzë”Protesta është mbështetur edhe nga përfaqësues të shoqërisë civile.Plehrat në vendgrumbullimin e Marinzës, depozitohen nga të gjitha njësitë administrative të Bashkisë së Roskovecit.
