Si po e përjetojnë fëmijët krizën e emigrantëve?
Nga OraNews Përditësimi i fundit 20 Shtator 2015, 10:04
Mijëra emigrantë për t’i shpëtuar luftës civile në Siri, e për të ndërtuar një jetë më të mirë, kanë marrë fëmijët e tyre në krah e janë duke bërë të pamundurën për të ndërtuar një jetë më të mirë në Europë.Është dashur të përshkojnë kilometra të tëra në det me gomone e varka, e kilometra të tëra në në tokë me këmbë, autobusë e trena.Është dashur të flenë në rrugë e të kërkojnë ushqim në vendet e Ballkanit. Janë përleshur shpesh me policitë e vendeve të ndryshme dhe me gardhet e telave me gjemba në kufijtë e shteteve.Por si e kanë përjetuar fëmijët gjithë këtë rrugëtim të prindërve të tyre me shpresën për një jetë më të mirë?Një fëmijë i vogël sirian po luan përpara forcave të policisë në autostradën Stamboll-Edirne ndërsa prindërit e tij dhe mijëra refugjatë të tjerë presin të kalojnë kufirin për në Greqi e më pas për të arritur në Gjermani.
