Gjirokastër, Vlahutin: Zgjedhjet në Shqipëri, mjaft të politizuara
Nga OraNews Përditësimi i fundit 18 Shtator 2015, 21:30
Edhe zyra e BE-së në Tiranë, e ka përshëndetur nismën e palëve politike për reformën në drejtësi.Ambasadorja, Romana Vlahutin, e cilësoi këtë reformë një proçes serioz që ka ndihmën e ndërkombëtarëve.Vlahutin: “Marrëveshja mes palëve është shumë e rëndësishme për reformën në drejtësi. Ky është një proçes serioz që ka mbështetjen e plotë të komunitetit ndërkombëtar. Mendoj se është në rrugën e duhur. Është kryer një punë e mirë përgatitore, e tashmë jemi në fazën e projektligjeve”.Për herë të parë, Ambasadorja e BE-së ka vlerësuar negativisht proçesin zgjedhor të 21 qershorit, duke e cilësuar atë mjaft të politizuar e për këtë sipas zyrtares së lartë të BE-së, përgjegjësia është e politikanëve.Vlahutin:“Një ndër 23 rekomandimet që BE i ka përcjellë për zbatueshmëri qeverisë shqiptare, është edhe procesi zgjedhor i cili për qytetarët shqiptarë, duhet të jetë një ditë e zakonshme pushimi, ndërkohë që këto zgjedhje, duhet t'ua kthejmë vetë qytetarëve. Fatkeqësisht ky proçes është shumë i politizuar në Shqipëri, më shumë nga vetë politikanët, sesa nga qytetarët. Ndaj duhet të fillojmë të punojmë që tani në mënyrë që të jemi gati për zgjedhjet e ardhshme parlamentare”.Deklaratat Vlahutin i bëri nga Gjirokastra.[caption id="attachment_582717" align="alignnone" width="640"]
Ne foto : Romana Vlahutin[/caption] /Oranews.tv/
