Qeni dështon planin e arratisjes së 25 të burgosurve mes tyre dhe shqiptarë
Nga OraNews Përditësimi i fundit 16 Gusht 2015, 15:27
Një qen zbulon rastësisht një tunel dhe falë rastësisë autoritetet greke shmangin arratisjen nga burgu të 25 të dënuarve me burgim të përjetshëm, në mesin e të cilëve kishte dhe shqiptarë.Tentativa spektakolare por e dështuar e arratisjes është shënuar në burgun e sigurisë së lartë në Ishullin e Korfuzit, dhe ajo mori fund kur pronari i qenit njoftoi policinë për një gropë në tokë. Më pas, qindra forca policore bllokuan menjëherë zonën.Gardianët e burgut, pas kontrolleve nëpër qeli, zbuluan se galeria e nëndheshme 15 metra e gjatë do t'i nxirrte të brugosurit në një pyll të vogël jashtë burgut.Nën krevatet e të gjitha qelive të zonës "Z" të burgut u gjetën sasi të mëdha dheu, që të burgosurit e kishin depozituar për të mos u diktuar nga gardianët.Në këtë pjesë të burgut mbahen disa nga të dënuarit më të rrezikshëm të Greqisë, kryesisht të dënuar me burgim të përjetshëm, ose me mbi 25 vite burg.Koka e këtij plani të arratisjes dyshohet se është një i dënuar grek nga Larisa, ndërsa në listën e atyre që dyshohet se do të arratiseshin ka grekë, shqiptarë, një turk dhe një sirian.19 vjet më parë, 40 të dënuar shqiptarë u arratisën në të njëjtën mënyrë nga qelitë e burgut të ndërtuar në vitin 1800, por që të gjithë u kapën brenda pak ditësh.
/Oranews.tv/
