Nicki Minaj s'ka fuqi per Mario Balotellin
Nga OraNews Përditësimi i fundit 25 Tetor 2012, 11:07
Nicki Minaj ka refuzuar që të takohej me futbollistin problematik të Mançester Sitit, Mario Balotelli pas koncertit të saj në Mançester këtë javë, pasi ishte e lodhur. Reperja 29-vjeçe, e cila së fundmi ka deklaruar se dëshiron të martohet dhe të lindë fëmijë, të hënën në mbrëmje e ka refuzuar ofertën e futbollistit, pasi ishte tepër e rraskapitur me koncertin e saj. "Mario ishte i shkatërruar nga refuzimi.
Ai është fans i madh dhe ishte paraqitur edhe me dhurata së bashku me shokët e tij të ekipit. Por Nicki ishte tepër e lodhur pas koncertit dhe në vend të takimit, ishte kënaqur me ushqime të shumta që kishte porositur, kështu që ai është kthyer në shtëpi i dëshpëruar. Ai edhe kishte blerë një kamerë të posaçme për këtë rast", ka deklaruar një burim.
