Syriza e propozon për President të Greqisë, Janullatos: S'marr poste politike
Nga OraNews Përditësimi i fundit 3 Shkurt 2015, 09:17
Anastas Janullatos, kryepeshkopi i Kishës Ortodokse Autoqefale të Shqipërisë është kandidati kryesor i Syrizas për President të Greqisë. Ky lajm është publikuar nga media greke “To Vima”, e cila shkruan se drejtues të lartë të Syriza-s janë duke bindur Janullatos që të pranojë ofertën e kryeministrit të ri Aleksis Tsipras, për postin e presidentit të shtetit Helen.Sipas gazetës greke Janullatos edhe pse nuk ka refuzuar ende nuk ka pranuar, duke thënë se ai ka një mision për të kryer në Shqipëri. Por drejtues të lartë të Syrizas dhe kolegë të Tsipras vëzhdojnë në përpjekjet e tyre për ta bindur kryepeshkopin që të pranojë propozimin.Po ashtu “To Vima” shkruan se Kryepeshkopi i Shqipërisë, është një person i veçantë që gëzon vlerësim dhe është një prift i shquar, që sipas kryeministrit Tsipras do të japë simbolikë të veçantë në zgjedhjet presidenciale.Pavarësisht lajmit se Janullatos do të propozohet për President, në orët e vona të mbrëmjes së djeshme 2 shkurt, zëdhënësi i qeverisë në Greqi, Sakellaridis tha se nuk ka asnjë diskutim në qeveri në lidhje me emërimin e kryepeshkopit Anasatas për President të Republikës.Por ka qenë Zyra e Shtypit e Kishës Orthodhokse Autoqefale të Shqipërisë, e cila ka shuar çdo hamendësim lidhur me këtë çështje.Sipas njoftimit zyrtar të lëshuar për mediat, theksohet se detyra kishtare që mban Hierarku orthodhoks ia bën të pamundur të pranojë poste politike, në rastin konkret atë për President të Greqisë."Hierarku orthodhoks ka një detyrë të caktuar kishtare. Ai nuk mund të marrë poste politike" citohet të ketë thënë vetë Kryepeshkopi Janullatos për gazetarët.Titulli origjinal i artikullit në gazetën "To Vima"
/ex/oranews.tv/
