Rusi, nisin pastrimet e rrënojave nga meteori
Nga OraNews Përditësimi i fundit 16 Shkurt 2013, 15:00
Në malet Urale të Rusisë ka nisur operacioni i pastrimit të rrënojave që ka shkaktuar rënia e meteorit.Ministria për Emergjenca e Rusisë thotë se operacioni përfshin rreth 20,000 punonjës.Meteori ka rënë të premten në rajonin Çeliabinsk dhe ka shkaktuar thyerjen e dritareve në më shumë se 4,000 ndërtesa.Të paktën 1,200 njerëz janë plagosur, shumica nga xhamat e thyer.Autoritetet rajonale thonë se shpërthimi i meteorit ka shkaktuar dëme në vlerë prej 13 milionë dollarësh.
