Shi-meteorët në Rusi, shkon në 950 numri i personave të plagosur
Nga OraNews Përditësimi i fundit 15 Shkurt 2013, 22:23
Në 950 persona ka arritur numri i të lënduarve nga breshëria e metorëve që shpërtheu mëngjesin e sotëm në rajonin e Uraleve në Rusi, ndërsa 46 persona të lënduar gjenden ende ne spital disa prej tyre ne gjëndje të rëndë.Presidenti rus, Vladimir Putin tha se duhet falënderuar Perëndia, që shpërthimi nuk ka ndodhur në pjesët më të populluara.Autoritet kanë raportuar se një fragment më i madh nga metorët ra në një liqen, afër Chebarkul, një qytet në rajonin e Chelyabinsk. Gjurme të meteorëve të rënë mund të shihen në Yekaterinburg, qytezë rreth 200 kilometra në jug-lindje të Cheliabinskit.Ndërsa banorët në Cheliabinsk të frikësuar thanë se pamja ishte mjaft e jashtëzakonshme,"Ne pamë një dritë shumë të ndritshme dhe më pas ka pasur një vijë të bardhë dhe të verdhë në qiell." tha një banor e Chelyabinsk për BBC-në.Ata flasin për xhama dritaresh të thyer, alarme makinash të aktivizuara dhe lëkundje të lehta të banesave. Autoritetet ruse njoftuan se tarraca prej 600 metër/katrorë e një fabrike u rrëzua. Meteori ra rreth orës 09:20 me orën lokale.Trupi qiellor, me të rënë në kontakt me atmosferën ka marrë flake dhe u nda në dhjetra pjesëza.Ministria e Emergjencave ka raportuar se mijëra punonjës të shpëtimit janë dërguar në zonë për të siguruar ndihmë për të plagosurit.Rajoni Chelyabinsk, rreth 1.500 km në lindje të Moskës, është një qytet me shumë fabrika, një central bërthamor dhe ruajtjen atomike MAYAK mbeturinave dhe qendra të trajtimit.Një politikan rus tha se ngjarja nuk ishte një shi meteorësh, por një test armë SHBA, raporton agjencia e lajmeve ruse Interfax. Vladimir Zhirinovski, udhëheqës i Partisë ultra-nacionaliste Liberal Demokratike, u citua të ketë thënë: "Meteorë janë duke rënë, Ata nuk janë meteorë, ato janë amerikanët që kanë testuar armën e tyre të re".
