Michael Bloomberg, 350 mln dollarë universitetit "Johns Hopkins"
Nga OraNews Përditësimi i fundit 28 Janar 2013, 07:35
Kryetari i Bashkisë së New Yorkut, Michael Bloomberg i dhuroi Universitetit Johns Hopkins, ku ai ka kryer studimet, 350 milionë dollarë. Kjo e çon në 1 miliardë dollarë shifrën e donacioneve që i ka dhënë këtij universiteti manjati dhe politikani Bloomberg.Universiteti Johns Hopkins ka deklaruar se 250 milionë dollarë nga dhurata më e fundit e Bloomberg do t’i përdorë për kërkime në fushën e burimeve të ujit të pijshëm, shëndeti global, shkencën e pedagogjisë, si dhe për rigjallërimin e zonave urbane.Pjesën tjetër prej 100 milionë dollarësh, universiteti do ta përdorë për t’i dhënë ndihmë financiare studentëve që ndjekin Universitetin në kampusin e Baltimorës, në veri të Washingtonit.Presidenti i Universitetit, tha se 70-vjeçari Bloomberg është një “forcë e së mirës në fushën sociale” dhe e krahasoi atë me bamirës të tjerë të famshëm, si Andrew Carnegie, John Rockefeller dhe Leland Stanford, që i kanë dhuruar pjesë nga pasuria e tyre universiteteve amerikane.
