Presidenti Obama pritet të bëjë betimin
Nga OraNews Përditësimi i fundit 17 Janar 2013, 12:59
Presidenti amerikan Barak Obama do të bëjë betimin për një mandat të dytë në 20 apo 21 janar. Obama, do të nisë të dielën zyrtarisht mandatin e dytë në presidencë. Kjo do të jetë ceremonia e 57-të e inaugurimit të një presidenti në SHBA.Kushtetuta e SHBA-ve e specifikon se cermonia bëhet në mesditën e 20 janarit, çdo katër vjet. Por për shkak se kjo datë bie e djelë betimi do të zgjasë më pak se pesë minuta. Përveç Obamës do të betohet edhe zv.presidenti Joe Biden. Kjo është hera e shtatë në historinë e SHBA-ve që dita e inaugurimit bie të dielën.Inaugurimi i tij i parë i 20 janarit të vitit 2009 ishte ngjarja me pjesëmarrjen më të madhe që është mbajtur ndonjëherë në Washington.E ndërsa kryeqyteti po përgatitet për inaugurimin, një vështrim në ceremonitë e fundit tregon se sa rituali ka ndryshuar dhe çuditërisht tradita nuk ndryshon.Presidenti ngre dorën e djathtë për të bërë betimin, e ndërsa fjalët që lexon janë të specifikuara në Kushtetutën e SHBA-ve, dhe lexohen në të njëjtën mënyrë që presidenti George Washington. Paul Boller është një historian 96-vjeçar që ka studiuar çdo ceremoni të inagurimit që nga fjalimi i parë Uashingtonit në 1789 dhe deri tek ai i Obamës në vitin 2009.Boller thotë se fjalimi më elokuent është ai i Abraham Linkolnit në mars të 1865, ku SHBA ishte në luftë civile e ai ishte duke luftuar për të ruajtur Bashkimin.Fjalimi më i gjatë ishte ai i William Henry Harrison, i zhvilluar në një mot me stuhi në vitin 1841 dhe që zgjati për një orë dhe 45 minuta."Ai foli për aq kohë, jo për Amerikën, por për historinë e lashtë dhe ishte i mërzitshëm. Dhe pas një muaji si president, ai u sëmurë dhe vdiq nga pneumonia," tha Boller.“John Kennedy, fjalimi i tij kishte linja shumë të paharrueshme, dhe u prit mirë thotë Boller. Por për historianin 96-vjeçar edhe fjalimi i Obamës në 2009 ishte mbreslënës.
