Mbreti i mafias ruse, "Gjyshi Hassan” ekzekutohet me snajper në Moskë
Nga OraNews Përditësimi i fundit 16 Janar 2013, 22:01
Personi, që konsiderohet njëri nga shefat më famëkeq të krimit, është vrarë sot në Moskë.Zyrtarë të policisë së Moskës kanë thënë se shtetasi Aslan Usoyan, më shumë i njohur si “gjyshi Khasan”, ishte qëlluar nga një snajper nga kulmi i një ndërtese, teksa ai po dilte nga një restorant.Mediat ruse raportojnë se Usoyan ishte i involvuar në bixhoz, ndërtim dhe biznese të trafikimit të drogës. Aslan Usoyan, 75 vjeç, ishte kurd i lindur në Gjeorgji.Ai u kishte shpëtuar disa përpjekjeve pët ta vrarë. Përpjekja e fundit ishte bërë në Moskë në vitin 2010.Njëri nga ndihmësit e tij më të afërt, Vyacheslav Ivankov, i njohur me nofkën “japonezi i vogël”ishte plagosur nga snajperi, derisa largohej nga një restorant në Moskë, në vitin 2009. Nga plagët e pësuara ai kishte vdekur në muajin tetor të po atij viti.
