Vritet në Siri 35-vjeçari, 5 vjet imam i xhamisë së Mollasit në Elbasan
Nga OraNews Përditësimi i fundit 12 Maj 2014, 10:08
Elbasan- Një qytetar nga Elbasani është shqiptari i fundit i vrarë në Siri.Lajmin për vrasjen e Sherif Taushani e kanë bërë të ditur për mediat familjarët.Ata kanë bërë apel për kthimin e trupit të pajetë të 35 vjeçarit por dhe të gruas së bashku me tre fëmijët dhe prindërit të cilët tashmë janë në Siri dhe nuk mund të kthehen pasi u janë grisur pasaportat.35 vjeçari banonte në fshatin Mollas të komunës me të njëjtin emër 40 km larg Elbasanit dhe praktikonte fenë myslimane.Mësohet se 35 vjeçari për 5 vjet deri para se të ikte në Siri kishte qenë dhe imami i xhamisë së këtij fshati dhe banorët thonë se ai ishte praktikant i rrymës radikale të fesë myslimane.Hera e fundit që kishte shkuar në Siri ishte shtatori i 2013, ku dhe kishte marrë me vete dhe familjen e tij ndonëse këta të fundit e kishin kundërshtuar.
(Ne foto: Xhamia e Mollasit ku Sherif Taushani ishte imam dhe ngjitur banesa e tij) sg/oranews online/
