Lady Gaga, takim me Julian Assange
Nga OraNews Përditësimi i fundit 10 Tetor 2012, 17:13
Këngëtarja Lady Gaga ka vizituar Julian Assange, themluesin e Wikileaks, i strehuar prej më shumë se 100 ditësh në ambasadën ekuadoriane në Londër.Sipas shtypit anglez, takimi ka zgjatur për rreth 5 orë dhe dy bashkëbiseduesit kanë darkuar së bashku.Australiani 41-vjeçar ndodhet në ambasadën e vendit latin që prej 19 qershorit. Lady Gaga e ka publikuar në faqen e saj në Twitter një foto të takimit.Këtë herë ylli i muzikës pop ishte veshur në mënyrë serioze dhe jo me stilin e saj ekstravagant. Ndërsa Assange ishte veshur më modest, thjesht me një t-shirt të bardhë dhe pantallona të zeza.
