Xhaçka: Mazhoranca vijon të mbaj premtimet, opozita akuza boshe
Nga OraNews Përditësimi i fundit 22 Prill 2014, 19:34
Partia Socialiste ka reaguar pas deklaratave të kreut të opozitës Basha gjatë konferencës së tij për mediat. Selia rozë, përmes deputetes Olta Xhaçka, tha se Basha u ankua për reformën territoriale, por ende nuk arrin të shpjegojë arsyen pse opozita refuzon për muaj të tërë, të bëhet pjesë e kësaj reforme.Deputetja socialiste tha gjithashtu se kreu i PD-së harroi pa listuar edhe një sërë vendimesh të mazhorancës, të cilat kanë një impakt të drejtpërdrejtë mbi qytetarët shqiptarë.Deklarata e plotë:Zoti Basha dha sot një konferencë për shtyp, ku u ankua për një listë nismash të mazhorancës, mes të cilave edhe për reformën administrativo-territoriale që do i kursejë shqiptarëve miliona dollarë dhe do i ofrojë qytetarëve shërbime më cilësore dhe më efikase.U ankua për reformën, por ende nuk arrin të shpjegojë arsyen pse opozita refuzon për muaj të tërë, të bëhet pjesë e kësaj reforme, ndërkohë që mazhoranca i ka siguruar asaj barazi të plotë përfaqësimi dhe vendimmarrjeje.Zoti Basha në deklaratën e tij të sotme, harroi pa listuar edhe një sërë vendimesh të mazhorancës, të cilat kanë një impakt të drejtpërdrejtë mbi qytetarët shqiptarë.Mazhoranca këtë javë prezantoi paketën e re për fasonët, që synon ta rrisë numrin e të punësuarve të deklaruar në 100 mije vetë dhe të nxisë prodhimin fason vendas.Mazhoranca këtë javë prezantoi skemën e re të financimit në bujqësi, që jep më shumë siguri ushqimore, më shume iniciativa për fermerët vendas dhe formalizon prodhimin bujqësor e blegtoral.Mazhoranca këtë javë do të vazhdojë me procesin e legalizimeve, duke bërë realitet legalizimin falas, atë për të cilën qeveria e mëparshme dështoi për 8 vjet me radhë.Këto janë nismat e mazhorancës, të cilat kanë një efekt të drejtpërdrejtë dhe pozitiv mbi qytetarët shqiptare, që fatkeqësisht zoti Basha nuk guxoi t’i përmende në deklaratën e tij të sotme.
