Aksident në Levan-Tepelenë, 1 i vdekur, 2 plagosen
Nga OraNews Përditësimi i fundit 21 Prill 2014, 17:42
Një i vdekur dhe dy persona të tjerë të plagosur, është bilanci i një aksidenti të regjistruar në orët e pasdites së sotme në aksin rrugor Levan-Tepelenë.Ngjarja e rëndë ka ndodhur rreth orës 17:20 në fshatin Varibob pranë Fierit, ku furgoni me targë AA189DT me të cilin udhëtonin shtetasit Qazim Aliaj 25 vjeç, Leonard Aliaj dhe Mytefat Zyllaliaj, i ka plasur goma dhe për pasojë ka humbur kontrollin duke u përplasur fillimisht me një automjet tip Peugeot me targa greke IEY5299 dhe më pas me bordurën anësore të rrugës.Përplasja ka rezultuar fatale për drejtuesin e mjetit Qazim Aliaj i cili ka gjetur vdekjen e menjëhershme, ndërsa të plagosur kanë mbetur edhe vëllai i tij Leonard Aliaj 36 vjeç dhe Mytefat Zyllaliaj, të cilët janë transportuar me urgjencë drejt spitalit për marrjen e ndihmës mjekësore.Ndërkaq 4 personat që udhëtonin në mjetin tip Peugeot nuk kanë marrë lëndime.Ndërkohë në vendgjarje kanë mbërritur dhe forcat e policisë, të cilët kanë nisur hetimet për zbardhjen e plotë të rrethanave dhe shkaqeve të aksidentit të rëndë.
