Siri, një grup kryengritësish rrëmbejnë një fotograf rus
Nga OraNews Përditësimi i fundit 12 Tetor 2013, 19:14
Një grup i kryengritësve në Siri ka rrëmbyer fotoreporterin rus, Konstantin Zhuravlyov, 32 vjeçar, duke e akuzuar atë se është spiun.Zëdhënësi i ministrisë së jashtme të Rusisë, Aleksander Lukashevich, ka konfirmuar sot se fotoreporteri Zhuravlyov ishte rrëmbyer afër qytetit Alepo, në fund të muajit shtator.Grupi kryengritës sirian, Liwea al-Tawhid, ka publikuar në Internet kopjen e pasaportit të fotoreporterit rus dhe ka thënë se së shpejti do ta postoj edhe videon ku Zhuravlyov pranon se ishte spiun i regjimit të presidentit të Sirisë, Bashar al-Assad.Zëdhënësi Lukashevich ka thënë se ky fotoreporter nuk kishte kurrfarë autorizimi që të udhëtoj në Siri dhe u ka tërhequr vërejtjen shtetasve rusë që të mos udhëtojnë në këtë vend pa “autorizim”.Fotoreporteri Konstantin Zhyravlyov është një udhëtar me përvojë, i cili e ka bërë një turne nëpër botë prej qershorit të vitit 2010 e deri në gusht të vitit 2012.
