Talibanët hakmerren ndaj qeverisë afgane

Të paktën dy persona kanë humbur jetën dhe mbi 40 të tjerë janë plagosur nga një sulm me bombë në provincën Vardak të Afganistanit.Përgjegjësinë për shpërthimin e kanë marrë talibanët. Zëdhënësi i tyre, Zabihullah Mujahid, ka thënë se sulmi është kryer për t’iu hakmarrë ndaj qeverisë afgane, e cila të mërkurën ka ekzekutuar katër talibanë të burgosur.Burimet zyrtare thonë se shpërthimi i sotëm ka ndodhur në afërsi të një objekti, i cili shërben për trajnime të policisë dhe ushtarëve afganë.