Amanda Bynes, shtrohet në spital psikiatrik
Nga OraNews Përditësimi i fundit 2 Shtator 2013, 10:15
Aktorja Amanda Bynes, e cila është bërë e njohur vite më parë pas filmave të suksesshëm të Disneyt në të cilët ka marrë pjesë, ju rikthye sërish qendrës së vëmendjes vetëm pak muaj më parë.
Gjithçka nisi nga postimet e saj të panumërta në rrjetin social “Twitter” ku në çdo status ajo ofendonte aktorë ose këngëtarë të ndryshëm. Një ndër të renditurit është dhe këngëtari Drake , të cilit i vuri epitetin "I shëmtuar", duke u përpjekur kështu t`i ulte imazhin përpara fansave të tij dhe miliona ndjekësave të saj në “Twitter”. Gjithashtu Amanda komentoi çdo pjesë të fytyrës së tij duke shprehur dhe mospëlqimin e saj ndaj këngëtarit.
Por mesa duket, në më pak se një muaj u vu re se aparenca e mendimit të aktores ndaj Drake ndryshoi, pasi vetëm një ditë më parë ajo postoi një status në të cilin shkruante: "E adhuroj Drake". Ky postim i papritur bëri shumë revista të shkruanin dhe shumë zëra të qarkullonin, por menjëherë avokati i Amandës, Tamar, ka dhënë një deklaratë për shtyp në të cilën ka siguruar se aktores i është vjedhur adresa nga piratë të cilët ende nuk dihet se kush janë.
Sipas tij, menjëherë pasi u shpall urdhri në gjykatë , Amanda u shtrua në spitalin psikiatrik në të cilin do të qëndrojë për plotë 12 muajt e ardhshëm. Avokati pohon se pjesën më të madhe të ditës aktorja e kalon përkrahë nënës së saj, Lynn Bynes, e cila tregon një përkujdesje të vazhdueshme kundrejt vajzës së saj.
Tamar gjithashtu rrëfen se ka kontaktuar me aktoren dhe ka vënë re që shëndeti I saj mendor sa vjen e përmirësohet, ajo dukej më e gëzuar dhe më e qetë. Momentalisht avokati është duke formuluar kërkesën për tja paraqitur gjykatës, për të arritur kështu qëllimin e tij, që aktorja të dalë nga spitali menjëherë pas 6 mujorit të parë.
