Teliti: Nën qeverinë Rama, kush punon ngel i varfër
Nga OraNews Përditësimi i fundit 17 Maj 2026, 11:03
Këshilltari për çështjet ekonomike në PD, Dorian Teliti me një reagim në rrjetet sociale shkruan se, nën qeverinë Rama kush punon ngel i varfër.
Reagimi i Dorian Telitit:
TË PUNOSH E TË MBETESH PËRSËRI I VARFËR - PASOJAT E MODELIT QEVERISËS!
Sipas raporteve ndërkombëtare, plot 39% e shqiptarëve që janë në marrëdhënie pune NUK SHTYJNË DOT MUAJIN!
Sipas Bankës Botërore, 23% e shqiptarëve jetojnë me MË PAK se 681 lekë në ditë.
Kjo është skllavëria moderne e qeverisjes së gabuar.
Njerëzit zgjohen në mëngjes, derdhin djersë duke punuar për orë të tëra dhe në fund të muajit nuk u dalin lekët as për ilaçet e prindërve apo librat e fëmijëve.
Pasi paguajnë dritat dhe ujin e shtrenjtuar, kjo qeveri u thotë familjeve të ushqehen, të vishen dhe të kurohen me "lëmosha" ditore!
Ndërsa zyrat e shtetit mbajnë erë luks, Shqipëria po zhytet gjithë e më shumë në varfëri strukturore.
Ndaj mjaft më me propagandë e deklarata boshe, ato nuk i mbushin dot frigoriferët e shqiptarëve!
NDRYSHIMI POLITIK & EKONOMIK DOMOSDOSHMËRI KOMBËTARE!
