Trump në Kinë i shoqëruar nga liderët e Tesla-s, Apple dhe gjigantëve financiarë
Nga OraNews Përditësimi i fundit 11 Maj 2026, 19:29
Shtëpia e Bardhë ka ftuar disa nga drejtuesit më të mëdhenj të kompanive amerikane që të shoqërojnë presidentin Donald Trump gjatë vizitës së tij në Kinë këtë javë.
Sipas raportimeve, mes tyre janë Elon Musk i Tesla-s dhe Tim Cook i Apple.
Në delegacion pritet të marrin pjesë edhe figura të njohura të botës së biznesit si David Solomon i Goldman Sachs, Stephen Schwarzman i Blackstone, Larry Fink i BlackRock dhe drejtues të tjerë të kompanive të mëdha financiare dhe teknologjike.
Në total, më shumë se 12 drejtues të lartë kompanish do të jenë pjesë e këtij udhëtimi, i cili shihet si një përpjekje për të forcuar marrëdhëniet ekonomike dhe për të hapur mundësi të reja bashkëpunimi me Kinën.
Kompanitë e përfshira nuk kanë dhënë ende komente lidhur me pjesëmarrjen e tyre.
Ndërkohë, autoritetet kineze kanë konfirmuar se vizita e Donald Trump do të zhvillohet nga 13 deri më 15 maj.
