Trump: 2 javë mjaftojnë për të goditur çdo objektiv në Iran
Nga OraNews Përditësimi i fundit 10 Maj 2026, 18:22
Donald Trump ka folur për situatën me Iranin gjatë një interviste, duke thënë se ushtria amerikane mund të vazhdojë operacionet edhe për dy javë të tjera dhe të godasë pothuajse çdo objektiv të caktuar.
Ai ka shtuar se disa prej objektivave janë goditur tashmë, rreth 70%, ndërsa pjesa tjetër mund të shënjestrohet në vijim, nëse do të jetë e nevojshme.
Trump ka thënë gjithashtu se Irani mund të mposhtet ushtarakisht, duke e quajtur vendin të dobët në këtë aspekt, por duke shtuar se kjo nuk do të thotë se situata ka përfunduar plotësisht.
Në të njëjtën intervistë, ai ka kritikuar edhe NATO-n, duke e përshkruar si një “tigër letre” dhe duke thënë se disa aleatë të SHBA-së nuk kanë dhënë mbështetjen e duhur në përballjen me Iranin.
