"E di gjithë Shqipëria..."/ Veliaj i bën moral gjyqtarit: Prisja të kishte transparencë! Ka një palë që do errësirë…
Nga OraNews Përditësimi i fundit 8 Maj 2026, 14:51
Është dorëzuar në gjykatë kërkesa për rregullimin e ndërgjyqësisë pasi kryebashkiaku i Tiranës, Erion Veliaj ka paditur edhe Këshillin e Lartë të Prokurorisë në lidhje me çështjen për emërimin e Prokurorit Ols Dado.
KLP i ka bërë parashtrimet gati si palë e paditur dhe seanca do të vijojë normalisht. KLP thekson se vazhdojnë që t’i qëndrojnë kërkesës së tyre që të mos legjitimohen palët dhe gjykata të marrë një vendim për këtë.
Ndërkohë, kryebashkiaku thekson se KLP duhet të bënte transparencë.
“E di gjithë Shqipëria që Ols Dado nuk është prokuror. Ka konflikt interesi ILD-ja. Shpreh zhgënjimin që duan errësirë për këtë proces. I nderuar gjyqtar, ju falënderoj për fjalën, por kjo vjen pas një shqyrtimi, me vendimin e ndërmjetëm, prisja të kishte transparencë; ky proces ka lulëzuar në errësirë. KLP duhet të mbrojë gazetarët, të mbrojë veten e vet. KLP ka kthyer një përgjigje se kush është caktuar para nesh; të gjithë duhet të kërkonim transparencë, ka një palë që do errësirë dhe një palë që do dritë”, tha Veliaj.
