“Kritikat brenda PS duhet të mbeten brenda strukturave”/ Muharremi: PS si organizëm me 100 mijë anëtarë
Nga OraNews Përditësimi i fundit 29 Prill 2026, 21:42
Në emisionin “Ora e Betit” në Ora News ishte i ftuar anëtari i Këshillit Bashkiak të Tiranës, Alfred Muharremi, i cili foli për debatet e brendshme në Partinë Socialiste dhe mënyrën se si duhet të trajtohen kritikat brenda kësaj force politike.
Ai u ndal te funksionimi i PS-së, duke e përshkruar si një organizëm të madh politik me rreth 100 mijë anëtarë, nga strukturat bazë deri te drejtuesit kryesorë.
Sipas tij, forca e partisë lidhet me vizionin e ndërtuar ndër vite dhe rezultatet në qeverisje.
Në intervistë u diskutua edhe për mënyrën e trajtimit të kritikave brenda partisë.
Muharremi tha se problemet duhet të diskutohen brenda strukturave të saj dhe jo të dalin jashtë, duke e krahasuar organizimin e partisë me një familje politike ku secili ka rol të caktuar.
Ai u ndal edhe te lidershipi i Partisë Socialiste, duke e lidhur suksesin elektoral të saj me drejtimin e kryeministrit Edi Rama dhe projektet e reformave të ndërmarra ndër vite.
Muharremi i cilësoi këto si qëndrime individuale, duke theksuar se çdo anëtar ka përgjegjësinë e tij brenda strukturës politike.
Ai u ndal edhe te aspekti personal dhe formimi i tij, duke shprehur vlerësim për njerëzit që, sipas tij, kanë ndikuar në rrugëtimin e tij jetësor dhe profesional.
NDIQNI EMISIONIN E PLOTË "ORA E BETIT" NË ORA NEWS:
