Tragjedi në Elbasan-Cërrik/ Përplasje "kokë më kokë" e automjeteve, ndërron jetë në vend shoferi i 'Benzit'
Nga OraNews Përditësimi i fundit 24 Prill 2026, 21:38
Një aksident i rëndë është regjistruar mbrëmjen e sotme rreth orës 21:00 në aksin Elbasan–Cërrik, në zonën e fshatit Mjekës, pranë një servisi automjetesh.
Sipas të dhënave paraprake, në përplasje janë përfshirë dy automjete, një “Benz” me targë AA170SR dhe një “Volkswagen Caddy” me targë AA968VM.
Përplasja ka qenë e fortë dhe drejtuesi i mjetit “Benz” ka humbur jetën në vend.
Drejtuesi i automjetit tjetër është dërguar me urgjencë në spital dhe po merr trajtim mjekësor, ndërsa nuk ka ende informacion të plotë për gjendjen e tij.
Policia dhe grupi hetimor kanë mbërritur në vendngjarje dhe po punojnë për të sqaruar shkaqet e aksidentit.
Njoftimi:
Elbasan/Informacion paraprak
Në aksin rrugor “Elbasan–Cërrik”, automjeti që drejtohej nga shtetasi A. B., rreth 28 vjeç, është përplasur me automjetin që drejtohej nga shtetasi L. R., 53 vjeç.
Si pasojë e aksidentit, ka humbur jetën shtetasi A. B., ndërsa është dëmtuar shtetasi L. R., i cili është transportuar në spital për ndihmë mjekësore.
Grupi hetimor ndodhet në vendngjarje dhe po punon për zbardhjen e rrethanave të aksidentit.
