Pakistani në kontakt me Teheranin për të shmangur dështimin e negociatave
Nga OraNews Përditësimi i fundit 21 Prill 2026, 17:49
Irani ende nuk ka konfirmuar pjesëmarrjen në bisedimet e paqes që pritet të zhvillohen në Islamabad këtë javë.
Ministri i Informacionit i Pakistani, Attaullah Tarar, bëri me dije se pritet një përgjigje zyrtare nga pala iraniane për dërgimin e delegacionit.
Ai tha se Pakistani po mban kontakte të vazhdueshme me Teheranin dhe po përpiqet të mbajë të hapur rrugën e dialogut.
Ndërkohë, armëpushimi mes Iranit dhe Shtetet e Bashkuara të Amerikës është drejt fundit. Sipas autoriteteve pakistaneze, ai përfundon të mërkurën në mëngjes sipas orës lokale, ndërsa nga Uashingtoni është dhënë një afat i ngjashëm.
Vendimi i Iranit për të marrë pjesë në bisedime shihet si vendimtar për zhvillimet në vijim. Nga ana tjetër, Pakistani po vijon përpjekjet për të bindur palët që të ulen në tryezë.
Edhe ministri i Jashtëm pakistanez, Mohammad Ishaq Dar, u ka bërë thirrje të dyja palëve që të shqyrtojnë zgjatjen e armëpushimit dhe t’i japin hapësirë dialogut në një moment të ndjeshëm për rajonin.
