Këlliçi voton me familjen në degën nr.10 në Tiranë: Votoni për kreun e degës, procesi vijon deri në 18:00
Nga OraNews Përditësimi i fundit 19 Prill 2026, 11:35
Deputeti i Partisë Demokratike, Belind Këlliçi në një postim në rrjetet sociale, ka treguar se ka votuar bashkë me prindërit e tij për kreun e degës nr. 10 në Tiranë.
Procesi i votimit ka nisur në orën 08:00 të mëngjesit dhe vijon deri në orën 18:00.
Në këtë degë janë në garë Andi Beliu dhe Olsi Karapici, të cilët përshkruhen si figura të angazhuara në jetën politike dhe pjesë e familjeve të njohura tiranase.
Këlliçi u bën thirrje anëtarëve të PD-së që të marrin pjesë në votim dhe të japin kontributin e tyre në zgjedhjen e drejtuesve lokalë.
Ai e lidh këtë proces me angazhimin politik të demokratëve, duke e parë si pjesë të funksionimit të brendshëm të partisë dhe shprehjes së vullnetit të tyre.
