PORTO ROMANO DO TË BËHET! Karakaçi: Durrësi ka arritur maksimumin e kapaciteteve! Kapri: Qeveria po e hedh në erë Korridorin VIII
Nga OraNews Përditësimi i fundit 16 Prill 2026, 14:37
Porto Romano parashikohet të ketë kapacitete përpunuese 5 herë më shumë se porti aktual në Durrës. Ministri Enea Karakaçi thekson se në situatën aktuale nuk mund të ketë zgjerim dhe shtim të lëvizjes së mallrave për shkak të pozicionimit në qytet
Ministri i Infrastrukturës dhe Energjisë, Enea Karakaçi, deklaroi në Kuvend se projekti për ndërtimin e portit tregtar të Porto Romanos përbën një investim strategjik dhe transformues për zhvillimin e vendit.
Gjatë interpelancës së kërkuar nga deputeti i opozitës Erald Kapri, lidhur me ecurinë e projekteve infrastrukturore, Karakaçi theksoi se porti i ri synon të rrisë kapacitetet logjistike dhe gjeostrategjike të Shqipërisë.
“Pavarësisht se si duan ta interpretojnë zbatimin e këtij projekti, ky është një investim nga më transformuesit për zhvillimin e vendit dhe për portin e ri të Durrësit”, u shpreh ministri.
Ai shtoi se porti aktual i Durrësit, për shkak të funksioneve të shumta ndër vite, ka kufizuar potencialin e zhvillimit të vetë qytetit dhe të infrastrukturës portuale.
“Porti i ri tregtar i integruar në Porto Romano është një projekt që pasqyron ambicien e qeverisë shqiptare për ta sjellë vendin në një nivel më të lartë të zhvillimit logjistik dhe gjeostrategjik. Porti i Durrësit ka mbajtur ndër vite funksione të shumta tregtare, industriale dhe urbane, duke kufizuar potencialin e zhvillimit të qytetit dhe vetë portit”, deklaroi Karakaçi.
Sipas tij, projekti është hartuar mbi një masterplan me ekspertizë ndërkombëtare dhe parashikon ndërtimin e një porti të klasit botëror, me standarde të larta teknologjike dhe mjedisore, të aftë të përballojë nevojat ekonomike të dekadave të ardhshme.
Gjatë interpelancës së kërkuar nga deputeti i opozitës Erald Kapri, lidhur me ecurinë e projekteve infrastrukturore, Karakaçi theksoi se porti i ri synon të rrisë kapacitetet logjistike dhe gjeostrategjike të Shqipërisë.
“Pavarësisht se si duan ta interpretojnë zbatimin e këtij projekti, ky është një investim nga më transformuesit për zhvillimin e vendit dhe për portin e ri të Durrësit”, u shpreh ministri.
Ai shtoi se porti aktual i Durrësit, për shkak të funksioneve të shumta ndër vite, ka kufizuar potencialin e zhvillimit të vetë qytetit dhe të infrastrukturës portuale.
“Porti i ri tregtar i integruar në Porto Romano është një projekt që pasqyron ambicien e qeverisë shqiptare për ta sjellë vendin në një nivel më të lartë të zhvillimit logjistik dhe gjeostrategjik. Porti i Durrësit ka mbajtur ndër vite funksione të shumta tregtare, industriale dhe urbane, duke kufizuar potencialin e zhvillimit të qytetit dhe vetë portit”, deklaroi Karakaçi.
Sipas tij, projekti është hartuar mbi një masterplan me ekspertizë ndërkombëtare dhe parashikon ndërtimin e një porti të klasit botëror, me standarde të larta teknologjike dhe mjedisore, të aftë të përballojë nevojat ekonomike të dekadave të ardhshme.
Karakaçi, deklaroi se projekti i portit tregtar të Porto Romanos është projektuar nga kompani ndër më të mëdhatë në botë të fushës së porteve, përfshirë edhe kompani holandeze, dhe synon ta shndërrojë Shqipërinë në një qendër logjistike rajonale.
Sipas ministrit, porti i ri nuk do të shërbejë vetëm për hyrje dhe dalje mallrash, por do të lidhë Shqipërinë me Kosovën, Maqedoninë e Veriut, Malin e Zi dhe më gjerë, përmes lidhjeve rrugore dhe hekurudhore, përfshirë Korridorin VIII, pjesë e rrjetit europian të transportit.
Karakaçi bëri të ditur se aktualisht porti i Durrësit ka një kapacitet maksimal prej rreth 200 mijë kontejnerësh në vit, ndërsa porti i ri në Porto Romano parashikohet të ketë një kapacitet prej 600 mijë kontejnerësh në fazën e parë dhe deri në 1 milion kontejnerë në fazën e avancuar.
Ai theksoi se projekti përfshin krijimin e një ekosistemi të plotë ekonomik, me magazina, qendra shpërndarjeje dhe shërbime me vlerë të shtuar, duke synuar zhvillimin e industrisë dhe transformimin e Shqipërisë nga një vend tranzit në një nyje kyçe rajonale.
Një element tjetër i rëndësishëm, sipas ministrit, është edhe siguria, ku në kuadër të kërkesave të qeverisë shqiptare në NATO, në portin e integruar do të përfshihet edhe një bazë ushtarake e Aleancës, e integruar me forcat shqiptare, duke e kthyer Porto Romanon në një aset strategjik.
Sa i përket aspektit teknik, Karakaçi u shpreh se projekti parashikon ndërtimin e terminaleve moderne për anije post-Panamax, kapacitete që sipas tij nuk mund të realizohen në portin aktual të Durrësit për shkak të thellësisë së kufizuar deri në rreth 8 metra, ndërsa në Porto Romano thellësia arrin deri në 13 metra.
Duke iu referuar procedurave të tenderimit, ministri sqaroi se ato zhvillohen sipas ligjit të prokurimeve publike dhe nuk janë në kompetencë të ministrisë për t’u hapur apo anuluar.
Ai shtoi se në procedurën e fundit kanë marrë pjesë pesë subjekte ndërkombëtare, ndër më të njohurat në fushën e porteve, ndërsa një ofertues është tërhequr me dëshirën e tij për shkak të mospërputhjes së fondit të parashikuar me koston e projektit.
Në përfundim, Karakaçi theksoi se zhvillimi i “Marina Durrës” nuk ndikon në aktivitetin e portit ekzistues dhe se faza e dytë e projektit do të nisë vetëm pas transferimit të aktivitetit portual në Porto Romano.
Deputeti i Partisë Mundësia, Erald Kapri, zhvilloi sot një interpelancë me ministrin e Infrastrukturës dhe Energjisë, Enea Karakaçi, në lidhje me anulimin e tenderit për portin e ri të Durrësit.
Kapri tha se ndërtimi i Korridorit të VIII, po rrezikohet për shkak të shkatërrimit të Portit të Durrësit.
“Korridori i VIII integron ekonominë shqiptare më atë evropiane. Korridori i VIII është shpallur si infrastrukturë kyçe me tregun e NATO-s.
“Vendosët që të anulonit tenderin për ndërtimin e portit të ri pa dhënë llogari, madje edhe pa ja mbajtur garancinë e 8 milionë euro kompanisë që qëndroi në garë dhe u tërhoq. Ndërkohë që gjatë garës për ndërtimin e portit të ri ju përjashtuat disa kompani ndërkombëtare. Besoj jeni në dijeni se çështja po hetohet nga SPAK”, tha Kapri.
Sipas Kaprit qeveria ende nuk ka një përgjigja se cilat ishin motive që po “prishet porti ekzistues për një port me kapacitet më të vogël duke sabotuar Korridorin e VIII”.
“Nuk ka kuptim ndërtimi i një instruktore gjigande me rrugë të re, me infrastrukture të re, me hekurudhë të re kur ke portin e vogël”, tha ai.
Sipas tij “qeveria po e hedh në erë Korridorin VIII”.
Deputeti drejtori disa pyetje ndaj ministrit Karakaçi në lidhje me arsyet e anulimit të tenderit për ndërtimin e portit të ri të Durrësit.
“Kryeministri tha se ka pasur ndërhyrje të huaja për të bllokuar projektin. Si ka mundësi që një forcë e huaj jo miqësore me Shqipërinë qenka kundër ndërtimit të një porti të vogël?! Cilat janë forcat e huaj që po sabotojnë portin e Durrësit? A ishin këto forca të huaja që sabotuan tenderin duke përjashtuar kompanitë e mëdha ndërkombëtare nga gara? A do të rihapni një tender të ri dhe projekti a do të jetë i njëjti?”, tha ai.
