IMT ZBARKON NË VLORË/ Rrënohen tre ndërtesa të paligjshme shkaktare për përmbytjet e mëparshme
Nga OraNews Përditësimi i fundit 7 Prill 2026, 18:02
Tre ndërtime të paligjshme mbi kanalin e ujërave të larta në Vlorë janë prishur sot nga Inspektorati i Mbrojtjes së Territorit, me mbështetjen e Policisë së Shtetit.
Në aksion ishte e pranishme kryetarja e Bashkisë së Vlorës, Brunilda Mersini, e cila bëri me dije se ndërhyrja ishte e domosdoshme për lirimin e kanalit dhe rikthimin e funksionit të tij normal.
Ndërtimet e paligjshme kishin shkaktuar më parë përmbytje dhe pengesa në rrjedhën e ujërave.
Bashkia njofton se aksioni do të vazhdojë edhe në ditët në vijim për pastrimin përfundimtar të kanalit.
Familjet e prekura do të kenë mbështetje sociale përmes programeve të strehimit dhe bonusit të banesës.
