Makina me shpejtësi si në filma/ Shoferi 24-vjeçar nuk i mbijeton përplasjes në mbikalimin e Novoselës
Nga OraNews Përditësimi i fundit 7 Prill 2026, 15:36
Një aksident i rëndë me pasojë vdekjen e një të riu ka ndodhur në orët e para të mëngjesit në Vlorë.
Ngjarja ndodhi rreth orës 03:00 në mbikalimin e Novoselës drejt fshatit Akërni.
Sipas informacioneve të para, automjeti i drejtuar nga A. H., 24 vjeç nga Fier, është përfshirë në aksidentin fatal.
Përplasja ka qenë shumë e fortë dhe i riu ka humbur jetën menjëherë në vendngjarje.
Nga verifikimet e vendit të ngjarjes dhe pozicioni i makinës, dyshohet se automjeti po lëvizte me shpejtësi tepër të lartë, që mund të ketë kaluar 200 km/h.
Autoritetet po vazhdojnë hetimet për të përcaktuar shkaqet e plota të aksidentit.
