‘Mërgata e qyqeve në Berlin’/ Bardhi: Qeveria po bllokon integrimin e Shqipërisë në BE, teksa korrupsioni mbrohet politikisht
Nga OraNews Përditësimi i fundit 21 Mars 2026, 13:50
Gazment Bardhi, kryetari i Grupit Parlamentar të Partisë Demokratike, pas vizitës së tij treditore në Berlin, ka akuzuar qeverinë shqiptare për pengesat që po has Shqipëria në rrugën drejt integrimit në Bashkimin Europian.
Ai tha se problemet lindin direkt nga veprimet e qeverisë dhe mazhorancës aktuale, duke mos lejuar zbatimin e standardeve europiane në sundimin e ligjit, luftën kundër korrupsionit dhe organizimin e zgjedhjeve të lira dhe të ndershme.
Delegacioni i opozitës zhvilloi takime me zyrtarë të lartë gjermanë, përfshirë ministrin për Europën, kryetarë komisionesh në Bundestag dhe deputetë të përfshirë në politikat europiane, ku shprehu nevojën që Shqipëria të respektojë standardet dhe meritën për integrim në BE.
Bardhi tha se shqiptarët duan të jenë pjesë e Europës, por qeveria po e largon vendin prej saj, duke penguar barazinë përpara ligjit dhe duke mbrojtur korrupsionin politikisht.
Ai bëri thirrje për një qeverisje të përgjegjshme dhe zgjedhje të lira, duke theksuar se vetëm kështu Shqipëria mund të ecë drejt Bashkimit Europian.
Postimi i Gazment Bardhit:
