PD ndryshon skenarin e protestave/ Ja cila do të jetë strategjia e protestës së 28 Shkurtit
Nga Isa Myzyraj Përditësimi i fundit 24 Shkurt 2026, 12:45
Pas hedhjes së gazit lotsjellës pranë xhamisë, në momentin kur besimtarët po kryenin ritet fetare, situata politike në vend është tensionuar ndjeshëm dhe pritet të reflektohet edhe në protestën e paralajmëruar të së shtunës.
Opozita ka lënë të kuptohet se do të ketë një agravim të aksionit të saj ndaj qeverisë, ndërsa detajet mbi skenarin e protestës mbeten ende të paqarta. Megjithatë, përplasjet me policinë konsiderohen pothuajse të pashmangshme, duke parë precedentët e mëparshëm dhe retorikën e ashpër politike. Nuk përjashtohet as përdorimi i gazit lotsjellës nga forcat e rendit në rast tensionimi të situatës.
Nga ana tjetër, kryeministri Edi Rama dhe përfaqësues të Partia Socialiste e Shqipërisë kanë akuzuar liderin e opozitës Sali Berisha se po nxit dhunë ndaj institucioneve shtetërore. Sipas tyre, strukturat e Partia Demokratike e Shqipërisë kanë qenë përgjegjëse për incidente ku janë lënduar efektivë policie gjatë përplasjeve të fundit.
