PRODUKTET E “SHPORTËS” U RRITËN / Inflacioni për vitin 2025 për këtë kategori nën 2,6%

Nga OraNews Përditësimi i fundit 25 Janar 2026, 14:35

Çmimet e produkteve të shportës ushqimore u rritën gjatë vitit 2025, me presion më të fortë në gjatëmuajt e parë, ndërsa në fund të vitit u shënua një ngadalësim i ndjeshëm i ritmit të inflacionit. Rritjen më të madhe e shënuan nënkatrogritë e “vajrat dhe yndyrna”, si dhe rritje mbi mesatare të inflacionit patën edhe Mishi, qumështi, veza dhe djathi

Gjatë vitit 2025, çmimet e produkteve të shportës kanë vijuar të rriten, trend ky më i lartë gjatë 6 mujorit të parë të vitit.

Të dhënat e INSTAT tregojnë se inflacioni për grupin ‘ushqime dhe pije joalkoolike’ pati një rritje mesatare mujore për vitin që lamë pas prej 2,6%.

Kulmi arriti në muajin maj me 3.8%. Ndërsa në muajin dhjetor ritmi i rritjes ishte më i ngadaltë, me 1,6%.

Sipas të dhënave të publikuara nga INSTAT rritjen më të lartë të çmimeve të produkteve të shportës, e ka shënuar nënkaterogria vajra dhe yndyrna’ me rritje mesatare mujore  5,5 %.

E pasuar nga nënkategoria kafe, çaj dhe kakao me 5,4%. Një rritje të konsiderueshem kanë pasur edhe produkte të tjera të shportës, si qumështi, veza dhe djathë me rritje mesatare mujore  4,1%.

Pas tyre renditet Mishi me rritje mestare mujore 3.4% dhe ‘zarzavatet dhe patatet’ me 2,5%

Ndryshe nga këto tregues, buka, ëmbëlsirat dhe frutat kanë shfaqrur një ritëm rritjeje shumë të vogël se produktet e tjera ushqimore, duke qenë nën nivelet e 1%. 

Në tërësi, të dhënat tregojnë se shporta ushqimore në 2025 u shtrenjtua, por ritmi i rritjes u thye ndjeshëm në muajt e fundit. Banka e Shqiperise parashikon qe inflacioni edhe për vitin 2026 te jete poshte nivelit 3%

Tabela

Inflacioni i Kategoria ‘Ushqime dhe pije joalkolike’ 2025

Niveli i inflacionit Janar 2025: 2.6%
Niveli i inflacionit: Dhjetor 2025: 1.6%
Niveli më i lartë i inflacionit në muajin Prill: 3.8%

Produktet e Mishit

Niveli i inflacionit Janar 2025: 4.0%      
Niveli i inflacionit: Dhjetor 2025: 2.3%  

Qumësht, djathë dhe vezë

Janar 3.3%                           

Dhjetor 4.4% 

Vajra dhe yndyrna 

Janar 4.0%               

Dhjetor 3.8%  

Niveli më i lartë qershor 7.6%       

-Zarzavate përfshirë patatet

Janar 3.0%       

Dhjetor 0.9% 

Niveli më i lartë ne muajin prill 7.7%