Situatë kritike në lumin Vjosa, del sërish nga shtrati pranë Urës së Mifolit. Autoritetet në monitorim, banorët në gatishmëri
Nga OraNews Përditësimi i fundit 11 Janar 2026, 09:09
Lumi Vjosa ka dalë sërish nga shtrati pranë Urës së Mifolit.
Niveli i ujit ka shkuar në 7.45 metra, duke sjellë përsëri përmbytjen e tregut te kafshëve poshtë urës së Mifolit.
Prurjet vijojnë me intensitet të lartë, ndërsa në zonën e Memaliajt niveli i ujit ka arritur në 7 metra.
Kjo situatë paralajmëron një rritje të mëtejshme të nivelit të Vjosës, që pritet të arrijë deri në 8.5 apo 9 metra në orët në vijim.
Autoritetet janë në monitorim të vazhdueshëm të situatës, ndërsa banorët në zonat pranë shtratit të lumit janë në gatishmëri për marrjen e masave parandaluese.
