VIDEO/ Pamjet e rralla të botës së egër në parqet kombëtare
Nga OraNews Përditësimi i fundit 5 Janar 2026, 10:16
Kamerat kurth kanë fiksuar imazhe të jetës së botës së egër në parqet kombëtare të vendit.
Kryeministri Edi Rama ndau sot në rrjetet sociale, një video nga “bota e faunës së egër në parqet tona kombëtare, të zbuluar falë kamerave kurth dhe kujdesit të specialistëve të zonave të mbrojtura”.
Në videokolazhin e botës së egër, identifikohen kafshë si macja e egër, ujku, dhelpra, kormorani i madh (shpend shtegtar), baldosa (vjedulla), pata e egër, sorkadhja, një tufë çakejsh si dhe lejleku.
Kafshët e egra, jetojnë të qeta në habitatin e tyre falë moratoriumit të gjuetisë.
Vindoja e kamerave kurth në zonat e mbrojtura, ka për qëllim vrojtimin e faunës së egër që ndodhet në këto zona të vendit, njëherësh edhe për të ndërgjegjësuar qytetarët për rëndësinë e natyrës dhe faunës së egër.
