TRONDITET IGOR TUDOR! Humbja e Juves me Comon sjell përplasje mes trajnerit dhe menaxherit
Nga OraNews Përditësimi i fundit 20 Tetor 2025, 14:37
Humbja e Juventusit përballë Comos ka tronditur jo pak trajnerin Igor Tudor në një përplasje me menaxherin e pëgjithshëm të klubit. Javët e ardhshme do jenë vendimtare për të,dhe në mungesë të rezultateve fundi i tij në drejtimin e Zonjës së Vjetër mund të jetë më i shpejtë nga sa pritej.
Juventusi i Igor Tudorit është në një fazë delikate. Gjashtë ndeshje pa fitore, një kolaps shqetësues kundër një Como të organizuar mirë dhe një ekip që duket se e ka humbur vetëbesimin.
Performanca e dobët në stadiumin Sinigaglia zbuloi një skuadër të ngurtë, të paaftë për t'u përshtatur me ndryshimet taktike të propozuara nga trajneri kroat. Dhe në horizont është një përballje e Ligës së Kampionëve me Real Madridin.
Por kjo nuk është e gjitha. Marrëdhënia midis Igor Tudor dhe menaxherit të përgjithshëm Damien Comolli duket gjithnjë e më e ftohtë.
Në diskutimet e fundit në Continassa, raporton Tuttosport, Comolli kërkoi sqarime mbi zgjedhjet taktike dhe alternativat e sistemit të lojës, duke këmbëngulur për një mbrojtje me katër lojtarë.
Tudor, megjithatë, përsëriti angazhimin e tij për një stil loje që, pavarësisht rregullimeve të mundshme të parë dje në Como, ai nuk ka ndërmend ta ndryshojë.
Muaji i ardhshëm do të jetë vendimtar për Tudor. Me ndeshje si Real Madridi, Lazio, Udinese, Sporting dhe derbi kundër Torinos, trajneri është i thirrur të përmbysë gjërat.
Nuk bëhet fjalë vetëm për pikë, por për rikthimin e ambicies, cilësisë dhe perspektivave në një mjedis të demoralizuar. Juventusi, në mënyrë pragmatike, tashmë po vlerëson të gjitha opsionet: nga mbajtja e Tudorit deri te mundësia e një ndryshimi në stol .
Nëse situata nuk përmirësohet, menaxhmenti mund të marrë në konsideratë alternativa. Ndër emrat që qarkullojnë janë figura të shquara si Luciano Spalletti dhe Roberto Mancini, por edhe të rinj në zhvillim si Raffaele Palladino, i cili do të gjente një aleat të vlefshëm te drejtori teknik Modesto.
Megjithatë, Juventusi duket ende i prirur të mbështesë Tudorin, të paktën deri në fund të sezonit, për të shmangur trazirat e parakohshme.
