Anketa ndërkombëtare për mësuesit, Rama: Lajm i mirë për prindërit, arsimtarët tanë kanë dalë mirë
Nga OraNews Përditësimi i fundit 10 Tetor 2025, 15:24
Kryeministri Edi Rama mori pjesë sot në prezantimin e raportit të OECD për rezultatet e TALIS, Anketës Ndërkombëtare të Mësimdhënies dhe të Nxënit, ku Shqipëria renditet ndër vendet e para.
Gjatë fjalës së tij, Rama tha se ndihet krenar për të gjithë mësuesit e Shqipërisë. “Kemi dalë me rezultat domethënës pozitiv ne këtë anketë, në një grup vendesh që nuk janë vende të dorës së dytë”, tha Rama, teksa theksoi se anketa ka treguar se 85% e mësuesve e kanë zgjedhur vetë mësimdhënien si vokacion dhe profesion.
Edi Rama: Lajm i mirë për prindërit, në një anketim për mësimdhënien mes 55 sistemeve arsimore në Bashkimin Europian, mësuesit tanë kanë dalë mirë. Kjo është në radhë të parë merita juaj, por nga ana tjetër është një pasqyrë e përpjekjes që kemi bërë së bashku. Është anketë sfiduese. Ndihemi krenarë për ju dhe gjithë mësuesit e Shqipërisë, Në një anketim kaq sfidues, kemi falë me rezultat domethënës pozitiv. Në një grup vendesh që nuk janë vende të dorëz së dytë siç edhe e dini. Nga ana tjetër ka disa të dhëna pozitive shumë inkurajuese, edhe sa i përket objektivave që kemi. Na vjen mirë të shohim që përpjekja që kemi bërë ka dhënë rezultat. Rivënia e autoritetit të mësuesit, është sfidë shumë e madhe.
