RRUGË, HEKURUDHA, PORTE E AEROPORTE/ Projekti i Ramës: 700 KM rrugë të reja deri në 2029

Nga Isa Myzyraj Përditësimi i fundit 17 Shtator 2025, 13:36

20 marina të reja do t'i shtohen porteve në vend në shërbim të turizmit. Në programin e qeverisë parashikohet nisja e punës për shtrirjen e hekurudhave në të gjithë vendin, por dhe ndërtimi i 700 kilometrave rrugë. Sa i përket aeroporteve, pas zgjerimit të tiranës dhe ndërtimit në Vlorë radha i kalon Gjirokastrës. Programi parashikon gjithashtu reforma në ujësjellës, arsim e shëndetësi

Qeveria Socialiste synon që deri në vitin 2029 të ndërtojë 700 kilometra rrugë të reja.

Mes akseve që pritet të përfundojnë dhe konsiderohen prioritet janë Korridori Blu: Milot-Balldren, Milot Thumanë, Kashar–Peze–Lekaj dhe Lekaj–Konjat–Fier, duke krijuar një bosht të ri të zhvillimit kombëtar.

RRUGËT

1        Milot – Balldren

2        Milot – Thumanë

3        Kashar – Pezë – Lekaj

4        Lekaj – Konjat – Fier

5        Bypass-i i Elbasanit (segment ndërlidhës)

6        Rruga e Bregut (Dhërmi – Sarandë)

7        Bypass-i i Sarandës

8        Rruga e Ksamilit

9        Unaza e Çajupit (Gjirokastër – Libohovë – Kardhiq)

10      Rruga e Vjosës (Ersekë – Përmet – Tepelenë)

11      Berat – Skrapar – Gramsh

12      Rruga e Liqeneve (Rrëshen – Burrel)

13      Rruga e Maleve (Vau i Dejës – Pukë – Fushë Arrëz)

Investimet do të përqëndrohen edhe në rrjetin hekurudhor, ku synohet të vihet në funksion linja Tiranë Durrës Rinas, por edhe të nisë ndërtimi i rrugëve të hekurta në të gjithë vendin.

HEKURUDHAT E REJA:

•  Tiranë – Durrës – Rinas

•  Tiranë Qendër – PTT

•  Sukth – Porto Romano

•  Vorë – Hani i Hotit

•  Durrës – Rrogozhinë

•  Rrogozhinë – Pogradec

•  Vlorë – Via

Socialistët synojnë të ndërtojnë Portin e ri tregtar të Porto Romanos, të integruar me rrjetin hekurudhor dhe të  Zbatojnë Masterplanin e marinave turistike për Sarandën, Vlorën dhe Kepin e Rodonit. Në angazhimiin për rritjen e turizmit parashikohet ndërtimi i 20 marinave të reja nga Velipoja në veri deri në Ksamil në jug.

Në transportin ajror synohet të Përfundojë certifikimi dhe operimi i Aeroportit Ndërkombëtar të Vlorës dhe të hapet aroporti i Gjirokastrës, ndërsa do të themelohet academia e Aviacionit.

Në programin qeverisës theksohet se deri në 2030 do të arrihet  Furnizim 24 orë me ujë të pijshëm në 100% të zonave urbane dhe në mbi 80% të zonave rurale.

Në Arsim Qeveria synon rritjen e pagës mesatare të mësuesve në 1,250 euro deri më 2029, ndërtimin e 200 shkollave të reja, vendosjen e 1000 laboratorëve inteligjentë dhe digjitalizimin e plotë të sistemit arsimor.

Në shëndetësi synohet rindërtimi plotësisht I  të gjitha qendrave shëndetësore dhe ambulancat deri në vitin 2029 dhe transformimi i QSUT “Nënë Tereza” në një qendër ekselence në rajon për trajtimin, edukimin dhe inovacionin mjekësor, nëpërmjet bashkëpunimeve me spitalet më elitare ndërkombëtare.

Dokumenta bashkëngjitur